Fotografering av baby gjeld for alder 2-9mnd. I denne tidsramma skjer det mykje med babyen si utvikling, så det kan vere stor variasjon i fotograferinga. Om man ønsker berre liggebilde så er du velkomen når barnet er 2–3 mnd. Om man ønsker sitjebilde av barnet, er det greitt å vente til han/ho er om lag 6/7 mnd eller eldre. For å få mest ut av fotograferinga er det anbefalt å vente til barnet er omtrent 7mnd eller eldre. Då har barnet har utvikla seg meir og kan le, krabbe og strekke seg. Kanskje det også kan sitje med litt støtte i rygg. På den måten får ein meir varierte oppsett. På babyfotografering er det berre tatt bilde av babyen. Ønsker man fleire på bilda, som søsken, blir det et tillegg i prisen. Der er også moglegheiter for å ta ammebilde og mor & barn bilde. 

Til fotograferinga vil eg anbefale nøytrale klede, gjerne utan store logoar eller mønster. Eg har litt kleder til utlån i studio, så ta kontakt i forkant om de har noko spørsmål om desse. Det kan kanskje være fint ha med ei bleietruse for å skjule bleia. Elles er det heilt vanleg at baby også er utan klede, då kan han/ho ligge på eit teppe eller skinn. Slik blir bilda lyse og reine bilde- med baby i fin fokus. Dette er sjølvsagt valfritt om de ønsker fotografere utan kler. 

Før de bookar time, kan det vere ekstra lurt å planlegge tidspunkt på fotografering opp mot legging av barnet. Eg anbefaler at de tek time like etter baby har sove på dagtid, slik han/ho er mest mulig opplagt til fotografering.

I prisen er fotograferinga og visningstime inkludert. Det blir sortert ut dei beste bilda sette saman i eit online galleri med vassmerke. Ut ifrå dette kan de bestille bilde. Om du ønsker, kan vi ha visningstime i studio innan ei veke frå galleriet er publisertt. Ta kontakt om dette er ønskeleg. Bestilling av digitale filer, framkalling eller andre produkt kjem i tillegg.